I ಶಿವಮೊಗ್ಗ ರಾಗಿಗುಡ್ಡದಲ್ಲಿ ಕಳಪೆ ಡ್ರೈನೇಜ್ ಕಾಮಗಾರಿ I ಕರವೇ ಕಾವಲು ಪಡೆಯಿಂದ ಪಾಲಿಕೆ ಆಯುಕ್ತರಿಗೆ ಮನವಿ I
ಶಿವಮೊಗ್ಗ : ರಾಗಿಗುಡ್ಡ (ಶಾಂತಿನಗರ) 4ನೇ ಕ್ರಾಸ್ನಲ್ಲಿ ಮಹಾನಗರ ಪಾಲಿಕೆ ವತಿಯಿಂದ ಯು.ಜಿ.ಡಿ, ಚರಂಡಿ, ರಸ್ತೆ ಕಳಪೆ ಕಾಮಗಾರಿಗೆ ಇಂಜಿನಿಯರ್ ಸಂತೋಷ್ ರವರೇ ಕಾರಣವಾಗಿದ್ದು ಇವರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಕರವೇ ಕಾವಲು ಪಡೆಯಿಂದ ಪಾಲಿಕೆ ಆಯುಕ್ತರಿಗೆ ಮನವಿ ನೀಡಲಾಗಿದೆ
ಈ ಸಂಬಂಧಿಸಿದಂತೆ ಮಾತಾನಾಡಿದ ಪ್ರಮುಖರು ಶಿವಮೊಗ್ಗ ನಗರದ ವಾರ್ಡ್ ನಂ..8, ರಾಗಿಗುಡ್ಡ (ಶಾಂತಿನಗರ) 4ನೇ ಕ್ರಾಸ್ನಲ್ಲಿ ಮಹಾನಗರ ಪಾಲಿಕೆ ವತಿಯಿಂದ ಯು.ಜಿ.ಡಿ, ಚರಂಡಿ, ರಸ್ತೆ ಕಾಮಗಾರಿ ನಡೆಯುತ್ತಿದ್ದು, ವತ್ತುವರಿ ಮಾಡಿರುವ ಚರಂಡಿ ಮತ್ತು ರಸ್ತೆಯ ಜಾಗವನ್ನು ತೆರವುಗೊಳಿಸದೆ ತಮ್ಮ ಪಾಲಿಕೆಯ ಇಂಜಿನಿಯರ್ ಸಂತೋಷ್ ರವರು ಕಾಮಗಾರಿ ಮಾಡಲು ಮುಂದಾದಾಗ ಕರವೆ ಕಾವಲು ಪಡೆಯ ಜಿಲ್ಲಾ ಸಂಘಟನ ಕಾರ್ಯದರ್ಶಿ ರಾಮುರವರು ಅದನ್ನು ತಡೆದು ಕೆಲಸವನ್ನು ನಿಲ್ಲಿಸಿರುತ್ತಾರೆ. ಆದರೆ ಈ ಒತ್ತುವರಿ ಜಾಗವನ್ನು ತೆರವುಗೊಳಿಸದೆ ಹಿಂದೆ ಇದ್ದ ಹಾಗೆ ಕಾಮಗಾರಿ ಮುಂದುವರೆಸಲು ಈ ಇಂಜಿನಿಯರ್ ಗೆ ಸೂಚಿಸಿದವರು ಯಾರು. ಹಾಗೇ ಆಯುಕ್ತರು ಈ ಕಾಮಗಾರಿಯನ್ನು ವತ್ತುವರಿ ತೆರವುಗಳಿಸಿ ರಸ್ತೆ ಅಗಲೀಕರಣ ಮಾಡುತ್ತೇವೆ ಎಂದು ಹೇಳಿ ಈಗ ಮೌನವಾಗಿರುವುದು ಏಕೆ..? ಇದರಿಂದ ನಮಗೆ ತಿಳಿದ ವಿಷಯ ಏನೆಂದರೆ, ಈ ಇಬ್ಬರ ಹಿಂದೆ ಆಟವಾಡುತ್ತಿರುವ ವ್ಯಕ್ತಿಯಾರು ಗೊತ್ತಾಗಬೇಕಾಗಿದೆ ಎಂದು ತಿಳಿಸಿದ್ದಾರೆ,
ಅಲ್ಲದೆ ಈ ರಸ್ತೆಯಲ್ಲಿ ವಾಸವಾಗಿರುವ ರಾಮಣ್ಣ ರವರಿಗೆ ಏನಾದರು ಜೀವಕ್ಕೆ ತೊಂದರೆ ಆದರೆ ಇದರ ಜವಾಬ್ದಾರಿಯನ್ನು ಶಿವಮೊಗ್ಗ ಮಹಾನಗರ ಪಾಲಿಕೆಯ ಆಧಿಕಾರಿಗಳು ಹಾಗೂ ಗ್ರಾಮಾಂತರ ಪೊಲೀಸ್ ಠಾಣೆಯವರೆ ನೇರ ಹೊಣೆಯಾಗುತ್ತಾರೆ. ಈ ವಿಚಾರವಾಗಿ ಇಷ್ಟೆಲ್ಲಾ ಏರಿಯಾದಲ್ಲಿ ಲಗಾಟೆಯಾದರು ಸುಮ್ಮನಿದ್ದ ಅಧಿಕಾರಿಗಳು ಈಗ ಏಕಾಏಕಿ ಏರಿಯಾದವರಿಗೆ ಅನುಕೂಲ ಮಾಡಿಕೊಡುವ ಬದಲು ಗಲಾಟೆಗಳನ್ನು ಸೃಷ್ಟಿಮಾಡಿದ್ದಾರೆ,
ಇದಲ್ಲದೆ ಜನರ ನೆಮ್ಮದಿಯನ್ನು ಹಾಳು ಮಾಡಿರುತ್ತಾರೆ. ಇಷ್ಟಕ್ಕೆಲ್ಲಾ ಕಾರಣರಾದ ಇಂಜಿನಿಯರ್ ಸಂತೋಷ್ರವರನ್ನು ಅಮಾನತ್ತುಗೊಳಿಸಿ ರಾಗಿಗುಡ್ಡದ ಕಾಮಗಾರಿಯನ್ನು ಕಾನೂನು ರೀತಿಯಲ್ಲಿ ಬಗೆಹರಿಸಿಕೊಡಬೇಕಾಗಿ ಆಗ್ರಹಿಸಿದ್ದಾರೆ
ಒಂದುವೇಳೆ ಸರಿಪಡಿಸದೆ ಇದ್ದಲ್ಲಿ ಮುಂದಿನ ದಿನಗಳಲ್ಲಿ ಪಾಲಿಕೆಯ ಆಯುಕ್ತರು ಹಾಗೂ ಅಧಿಕಾರಿಗಳ ವಿರುದ್ದ ಪ್ರತಿಭಟನೆಯನ್ನು ಮಾಡಲಾಗುವುದು ಎಂದು ಕರ್ನಾಟಕ ರಕ್ಷಣ ವೇದಿಕೆ ಕಾವಲು ಪಡೆ ಶಿವಮೊಗ್ಗ ಜಿಲ್ಲಾ ಘಟಕದ ವತಿಯಿಂದ ಎಚ್ಚರಿಕೆಯನ್ನು ನೀಡಲಾಗಿದೆ,
ಈ ಸಂದರ್ಭದಲ್ಲಿ ಜಿಲ್ಲಾಧ್ಯಕ್ಷರಾದ ಎಸ್.ಬಿ.ಶಿವಕುಮಾರ್, ಪ್ರಧಾನ ಕಾರ್ಯದರ್ಶಿ ಉಮೇಶ್ ಕೆ.ಬಿ, ಉಪಾಧ್ಯಕ್ಷರು ರಮೇಶ್, ಜಿಲ್ಲಾ ಸಂಘಟನ ಕಾರ್ಯದರ್ಶಿ ರಾಮಣ್ಣ ರಾಗಿಗುಡ್ಡ, ಮಾಧ್ಯಮ ಸಲಹೆಗಾರರಾದ ಎನ್.ಮಾಲತೇಶ್, ಉಪಾಧ್ಯಕ್ಷರು ಗಣೇಶ್ ಪಿಳ್ಳಂಗೆರೆ ಸಂಚಾಲಕರು ರಾಮು.ವಿ. ಶಿವಣ್ಣ ಕಾಶಿಪುರ. ಸಂಕೇಶ್ವರ. ಅಶೋಕ್ ಇನ್ನು ಮುಂತಾದರು ಉಪಸ್ಥಿತರಿದ್ದರು,