I ಚಲಿಸುವ ಮೋಡಗಳು I
ಚಲಿಸುವ ಮೋಡ ಬಾನಲ್ಲಿ ನೋಡ
ಅಲ್ಲಿ ತಂಗಾಳಿ ಹಾಡಿತು ಒಂದು ಹಾಡ
ಮೋಡ ಮೋಡಗಳಿಗೂ ಘರ್ಷಣೆ ಕೂಡ
ಜಿನುಗಿತು ಮಳೆಯಾಗಿ ಭೂಮಿಗೆ ಆ ಆಷಾಢ
ಗಗನದಲಿ ಗುಡುಗಿನ ಸಪ್ಪಳಕೆ
ಕಾರ್ಮೋಡಗಳ ಸರಸ ಸಲ್ಲಾಪಕೆ
ಮುಗಿಲಲಿ ಬೆಳ್ಳಿ ಮೋಡ ಚಲನಕೆ
ಅಲ್ಲಿ ಹಕ್ಕಿಗಳ ಹಾರಾಟದ ಕಲರವಕೆ
ಬಾನಿನಲಿ ರವಿ ಜಾರುವ ಸಮಯ
ಬಂಗಾರ ಬಣ್ಣಗಳಿಂದ ವಿನಿಮಯ
ಸಂಧ್ಯಾಕಾಲದ ಅದುವೇ ವಿಸ್ಮಯ
ಮಕ್ಕಳ ಕಣ್ಣಿಗೆ ಅದು ಅಯೋಮಯ
ಆಕಾಶದಲಿ ಗುಡುಗು ಮಿಂಚಿನ ಸದ್ದಿಗೆ
ಭೋರ್ಗರೆಯುವ ಮಳೆ ಬಂದಿತು ಭುವಿಗೆ
ಮೊದಲು ಸುರಿಯಿತು ಆಲಿಕಲ್ಲು ಧರೆಗೆ
ತಂಪಾದಳು ಇಳೆ ಕಾರ್ಮೋಡದ ಮಳೆಗೆ
– ನಿತ್ಯಶ್ರೀ ಸುಶಿಲ್ ತುಮಕೂರು